Painting and craft are my favorite hobbies

老公分析過，我最喜歡的hobby是畫畫
因為我唔會個個星期都學插花或者學書法或者做facial，任何活動如果consume左我嘅星期六下午都唔得，因為....我會去畫畫。其實我並非去上堂，只係<自由畫>，好自由咁發揮，整下盒、復活蛋、鞋、畫下畫，或者又畫又拼貼，短短的幾個小時，好讓我隨心的舒發。

初試做耳環

一直以來都只能戴手術鋼的耳環，選擇極limited，通常都只係一粒石或圈圈款，悶死了，但戴其它物料不到半天就變大耳牛，耳珠會又紅又熱，後來知道先把耳環黏上vaseline有幫助，但也不敢花錢買<難受>。就連深水步也沒有手術鋼的耳環勾賣，結果係etsy無意中找到，仲幾抵下。都係廿蚊度一對。

買配襯的耳飾當然就要去深水步了，最怕你冇心機或冇時間，真係有無限的選擇。
我好開心，因為可以日日都戴唔同款了，女人都係貪靚的

交左咁多學費跟名師學插花，要自己實習下

一直以來都喜歡tulips，不過又貴又唔襟擺
上星期行花墟見到特價，50元一扎
鈴蘭百合也減價，25元一扎

嘩，咁抵，不過我估它們只有三日命
但是，貴一倍價錢時都可能係四日命仔，咁半價都係抵嘅
加上，不是普通的鬱金香，是鸚鵡鬱金香，又名fringed tulip，有花邊的，更fragile
加埋呢個朋友係NY  MoMA 買的花瓶，好鬼stylish啊，呵呵

馬年精神身體好，DD一家萬事興

哈哈，雖然中文讀得唔多，但係可以作到對聯
馬年快到，祝各位blogger心想事成，身體健康

這是我第一次買菊花來插，一向覺得菊花leung爆，唔知係咪人老左就識賞菊，成個波咁，又幾特別，最好就係襟擺!!

過年咩都貴，花先至升得勁，明明平時10蚊支的，可以貴一倍，相信過幾日仲貴!!

 

昨晚去了上堂，為的是插盤有睇頭的花送給伯父，他是家中的長老，要有長老的氣派啊，哈哈。這盤超過十種花

珠頂蘭

蘭花

blue sky

銀柳

snow pea

pine

球菊

富貴子

櫻花

串串金

等

努力超過兩小時，終於完成。

 

老師的示範當然更sophisticated，睇下佢嘅構圖，多圓

 

北海道之日日落雪滑雪遊記

我諗你誓估唔到去滑雪的竟然唔恨落雪
唉，咁多次滑雪真係最凍係今次
山頂氣溫 -18C，只不過加埋windchill，我諗都起碼 -24C，橫風橫雪到我感覺香港的所謂寒冷警告算是什麼，我係惡劣天氣下戴著五個暖包<玩>呢。一個在身上，兩個在ski boot，兩個在gloves內。

滑左5日雪，只係有一個早上唔落雪，仲唔影相

 可惜，只維持了一個早上，一到中午<風起了>又是橫風橫雪。

今次是我第三次去北海道二世古滑雪
二世古係亞洲算是有規模的滑雪場，而且離外札晃只是2.5鐘車程，比起其他亞洲雪場的陸上交通時間短。

我們住在niseko hilton village，是一個ski in and out resort，門口就有gondola(纜車)，即使大雪，坐gondola都冇咁凍。

不過每次番酒店的那段平路真係令人爆粗，每次點衝都似終要用手撐，因為平路太長了，可能是因為夏天這正是個golf course的關係

早餐最鐘意食日式omelette，睇厨師煎，我都識識地了

最喜歡是酒店內的露天溫泉，可惜今年去到見到好多大陸人，佢地唔冲涼就浸，老公話男人那邊仲著住底褲浸，真係多得佢地唔少

(資料圖片，這次沒見過咁好天)

二世古的名勝就是羊蹄山，不過我們滑雪的不是這個山

喜歡滑雪的，係亞洲來說，二世古是個好選擇，ski後有地方行下街，食下嘢，近年多了apartment及外國投資的餐廳及專門店，比以前國際化了。

好似creperie，很有歐美的感覺

 

Sometimes, all you can do is try your best

從畫畫誤出一點點人生的道理

一心倒paint倒出一朵花

好似 youtube內dior nail polish廣告一樣

 

 

 

因為是第一次試這technique，控制paint的稀杰度、量、手勢等都未能掌握，加上canvas的面不夠滑，paint較難向外瀉開，but anyway見到唔可能整到朵花，就不如plan B啦，即係自由發揮，人生都係咁，凡事那有盡如意?跟著別人的路當然穩陣，但自己走出來的路結果也未必不好的。

 

我幅畫結果似隻甩殼蝸牛，但係這是給奶奶家換畫的，不可以說像甩殼蝸牛啊

 

我就話係隻蝴蝶側身同妳say hi，美化得好交關啊，佢就哦哦哦，好呀，d色好開心岩晒過年

呢幅畫睇怕要幾個星期才乾透

 

Christmas parties!!

 

平安夜請了一個無著落的好朋友來我們家一起晚飯，係大班見到好得意的聖誕面包，買了兩個應下節

 

簡單的晚飯有洋蔥豬柳和波菜意粉加三文魚籽

Christmas day Just Desserts Party with friends

呢晚就精采D，有sangria ，香檳，朱古力酒，蛋糕，choco dipped士多啤梨，homemade cookies，cheese platter等等

 

 

大家玩得最開心就係整自己的gingerbread cookie喇，總之桌上的食材可以隨意用。

兩公婆一人一張櫈仔

老公好old school的，所以特別畫了張<仿>木櫈仔俾佢，仲要係舊舊地咁feel添

 

我自己呢，喜歡modern contemporary，簡約，不過人生是多姿多彩及開心的

 

蘭桂坊慶功

細細佬請食飯選了他朋友開的<慶公宴>，10度以下的晚上我們舉家出城食飯。
果然，新界地區是低兩三度的，我們在中環感覺溫暖，不愧為石屎森林。
呢間<慶公宴>係正LKF，不過今天的LKF到處都是地盤，感覺和以前的酒吧街不同，欠了點熱鬧。

餐廳的怖置好古色古香，有很多木屏風，茶壹，茶杯。

這裡的另一特別之處係中菜西食，是plate service的，可能會較為外國人接受吧

 

頭盤的荔枝汁冰鎮番茄(good)

scallop and parma ham roll，好西式

鐵觀音十分清香潤滑的口感

 

第二道菜是蝦，我不能置評，因為蝦敏感沒有食

 這個精采，是彫刻品，青瓜彫成竹，入面的魚肉粒及蔬菜粒，很清的，還有桂魚乾

這不是竹笙，師傅再show刀功，是薄片冬瓜卷著金華火腿。

最後還有個雜菌松露炆雞和松露飯，松露飯只要有松露醬，自己在家也做到的。

 

食完一餐，我覺得什麼是最好呢?是茶，這裡的茶很罕見，不是貴，但係香港其他地方未必有，好似普洱紫茶是有煙熏味的普洱，原來因為種植的土地特別多minerals，是老闆娘親身係緬甸邊境選購的。有隻叫鳳凰單欉，我連最尾的那個字也不懂讀，原來係中國廣車省鳳凰心的著名烏龍茶，說到中國茶的文化與學問真不比紅酒遜色!!

 

失聲三寶

呢排真係黑，十一月無端端開始鼻塞，唔知係咪作感冒，點知幾個星期依然間歇性鼻塞，去完日本番嚟竟然連躺著睡也不能用鼻子呼吸，用口呼吸又喉乾，結果搞到失埋聲，仲搞左差不多成個星期先可以正常說話。
我當初以為冇喉痛又不是大感冒，應該好快開番聲，點知一日又一日，幾日都仲係whispering，連笑都冇聲的，可憐....自己是中醫但咩都唔記得晒，反而同事們，奶奶，契媽不停的給我煲湯，糖水，咸竹峰，桔仔水.....終於都講得番野，但仍是沙沙的聲，希望不是久性。
以往見人失聲或喉痛，我都叫佢買胖大海，今次自己都要飲，發覺佢真係好潤喉，飲完好舒服的。咪見佢一粒粒杏仁咁，熱水浸後發到粒者喱糖咁!!

近期好多人感冒都有出現失聲，連高永文局長也是，保重保重，還有Hx Nx、奶粉等等好多事情要你處理的

Happy Painting with my friends

自從畫畫以來，好多朋友都問我係邊度畫畫，難唔難架?
我每次都話，一定得，唔係果d冇人理限時限候果d，有人指點一定掂satisfaction guaranteed。好幾個朋友在這種鼓勵下嘗試了，結果都令人喜出望外。

上星期我畫了一張屬於自己的櫈仔

朋友第一次去，畫了幅畫送給爸爸做生日禮物，第一次畫就咁勁了!!

原來佢細個學過畫畫的，怪不得又快手又靚啦!!我覺得仲靚過原圖添!

多謝Ms A 送上的祝福

雖然已經不是小朋友，但是開信箱收到賀卡都仍是非常雀躍，多謝Ms A親手造的賀卡，也祝您和家人今年聖快樂，心想事成，繼續enjoy 每一天!! (最緊要繼續寫blog share with us)

 

Hand Painted Stool

係灣仔的applique art畫畫真係好開心，因為佢地唔單止有不同size and shape 的canvas，還有木盒木櫈仔、tissue paper、閃粉、lace....等等，讓人可以有無限的創意，做出個人風格的作品。從我開始去畫畫，每次都會選一幅喜歡的去抄到現在自由發揮，真係好開心。星期六，老公多數要做嘢，我就自己去畫畫，有時約埋朋友，買幾件餅，係嗰度tea埋，真係好悠閒。約著個好飲酒的friend，我們下午二點幾就飲香檳了，哈哈.....

屋企已經放不下畫了，要在地上發展，畫櫈仔，其實也是獨一無二的家俱啊!!
這些圖案及顏色的靈感來自歐洲的刺繡

愛在深秋@大板- Day 5 Rinku Town/ Sportaka

 
係京都享受了幾天大自然及古樸的環境，一到大板就有喘不過氣的感覺。我們決定今天不留在市區，去近機場的Rinku Town Outlet Mall行街街。Rinku town和關西機場距離一個車站，很多人都在離境前才去shopping，但我們搭早機番香港，所以要特地來一次。其實大板附近都有好幾個outlet mall，不過規模以Rinku town最大，有120間店舖而且位置臨海，景色幽美。

血拼前食個杯面先，因為要充分利用時間shopping

www.premiumoutlets.com

其他outlet mall如blossom，cancan和porto都只有幾十間店，同普通mall差不多。這次到日本因為yen平了，感覺抵好多，我記得有一次yen是接近9算時，真係什麼也沒有買，現在7點幾，好似話仲會跌，但係明年4月1就加消費稅，所以今次買得特別開心。

 

我們在Rinku town由天光行到天黑

Premium Outlet 隔離有個entertainment park，入面有好多兒童用品、服飾店，好多本地人一家大細來玩的

 

我們諗住搭番南海鐵路番難波，結果買好南海鐵路的票後，老公歸心似箭，急急忙忙上了架去大板的班車，坐坐下我留意到原來搭緊JR……..唉也，路程長事少，最壞打算係出閘時從新買票囉，結果，雖然是不同的鐵路公司，我們只需補差價，真係不幸中之大幸了，估計年中不少遊客會搭錯車。

番到難波站只係剛剛6點，但係行街都會行到肚餓的，見到有奄列蛋飯食，坐低食飯先。我點呢個係<和尚戴帽omelette rice>

 

番到酒店，老公意猶未盡，仍想去道頓堀9層高的Sportaka買體育用品。如果你是運動發燒友，一定要逛這店，我倆都喜歡打tennis，依家係香港D tennis shoes款少又樣衰，呢度選擇真多!!

愛在深秋@京都- Day 4 嵐山/ 嵯峨野./ 大板

這次旅行雖然行程緊密，但我們也不是很早出門，每天都差不多十點才出發，睡眠充足的。

今日check out酒店，把行李放在酒店，我們就乘地鐵去嵐山，係日本搭車真係要睇清楚係邊種鐵路，地鐵、近鐵、私營鐵路定係JR....

遊日本最好的就是很多景點都有觀光社係車站附近，可以取地圖及問路。

因為這天是星期六所以本地遊客也十分多，我們一到步即買小火車票，也要3點才有位。之後拿著地圖跟著建議的路線走。遊客真是十分多，簡直係迫人，沒有宇治那天的清幽感覺。

 

 

本來我們計劃在weekday來的，不過朋友話紅葉不多，所以我們過多幾天才來，結果紅葉多一點，人卻很擠迫。

不過就算人再多嵐山始終是個風景區，沒腳骨力的只會在市集逛，我們上山去公園，人就愈來愈少了。

 

 

 

 

 

 

 

 

 

 

 

 

 

 

 

 

 

 

 

 

 

怪不得小火車短短25分鐘車程也賣售興罄，原來景色真很美，還有怪獸助興呢。

 

我們沒有玩保津川激流，但在火車望下去，好似幾刺激(危險)，因水流挺急的。

番到酒店再出發去大板，到步時已經7點了，又係搵食嘅時間。我們住在難波一榮酒店，就係0101對面，極之方便，但我們行去心齋橋，還未到已經覺得迫人到喘不過氣，可能在京都習慣悠閒了。大板仲迫人過東京咁，回到大城市了!!