Happy Painting with my friends

自從畫畫以來，好多朋友都問我係邊度畫畫，難唔難架?
我每次都話，一定得，唔係果d冇人理限時限候果d，有人指點一定掂satisfaction guaranteed。好幾個朋友在這種鼓勵下嘗試了，結果都令人喜出望外。

上星期我畫了一張屬於自己的櫈仔

朋友第一次去，畫了幅畫送給爸爸做生日禮物，第一次畫就咁勁了!!

原來佢細個學過畫畫的，怪不得又快手又靚啦!!我覺得仲靚過原圖添!

多謝Ms A 送上的祝福

雖然已經不是小朋友，但是開信箱收到賀卡都仍是非常雀躍，多謝Ms A親手造的賀卡，也祝您和家人今年聖快樂，心想事成，繼續enjoy 每一天!! (最緊要繼續寫blog share with us)

 

Hand Painted Stool

係灣仔的applique art畫畫真係好開心，因為佢地唔單止有不同size and shape 的canvas，還有木盒木櫈仔、tissue paper、閃粉、lace....等等，讓人可以有無限的創意，做出個人風格的作品。從我開始去畫畫，每次都會選一幅喜歡的去抄到現在自由發揮，真係好開心。星期六，老公多數要做嘢，我就自己去畫畫，有時約埋朋友，買幾件餅，係嗰度tea埋，真係好悠閒。約著個好飲酒的friend，我們下午二點幾就飲香檳了，哈哈.....

屋企已經放不下畫了，要在地上發展，畫櫈仔，其實也是獨一無二的家俱啊!!
這些圖案及顏色的靈感來自歐洲的刺繡

愛在深秋@大板- Day 5 Rinku Town/ Sportaka

 
係京都享受了幾天大自然及古樸的環境，一到大板就有喘不過氣的感覺。我們決定今天不留在市區，去近機場的Rinku Town Outlet Mall行街街。Rinku town和關西機場距離一個車站，很多人都在離境前才去shopping，但我們搭早機番香港，所以要特地來一次。其實大板附近都有好幾個outlet mall，不過規模以Rinku town最大，有120間店舖而且位置臨海，景色幽美。

血拼前食個杯面先，因為要充分利用時間shopping

www.premiumoutlets.com

其他outlet mall如blossom，cancan和porto都只有幾十間店，同普通mall差不多。這次到日本因為yen平了，感覺抵好多，我記得有一次yen是接近9算時，真係什麼也沒有買，現在7點幾，好似話仲會跌，但係明年4月1就加消費稅，所以今次買得特別開心。

 

我們在Rinku town由天光行到天黑

Premium Outlet 隔離有個entertainment park，入面有好多兒童用品、服飾店，好多本地人一家大細來玩的

 

我們諗住搭番南海鐵路番難波，結果買好南海鐵路的票後，老公歸心似箭，急急忙忙上了架去大板的班車，坐坐下我留意到原來搭緊JR……..唉也，路程長事少，最壞打算係出閘時從新買票囉，結果，雖然是不同的鐵路公司，我們只需補差價，真係不幸中之大幸了，估計年中不少遊客會搭錯車。

番到難波站只係剛剛6點，但係行街都會行到肚餓的，見到有奄列蛋飯食，坐低食飯先。我點呢個係<和尚戴帽omelette rice>

 

番到酒店，老公意猶未盡，仍想去道頓堀9層高的Sportaka買體育用品。如果你是運動發燒友，一定要逛這店，我倆都喜歡打tennis，依家係香港D tennis shoes款少又樣衰，呢度選擇真多!!

愛在深秋@京都- Day 4 嵐山/ 嵯峨野./ 大板

這次旅行雖然行程緊密，但我們也不是很早出門，每天都差不多十點才出發，睡眠充足的。

今日check out酒店，把行李放在酒店，我們就乘地鐵去嵐山，係日本搭車真係要睇清楚係邊種鐵路，地鐵、近鐵、私營鐵路定係JR....

遊日本最好的就是很多景點都有觀光社係車站附近，可以取地圖及問路。

因為這天是星期六所以本地遊客也十分多，我們一到步即買小火車票，也要3點才有位。之後拿著地圖跟著建議的路線走。遊客真是十分多，簡直係迫人，沒有宇治那天的清幽感覺。

 

 

本來我們計劃在weekday來的，不過朋友話紅葉不多，所以我們過多幾天才來，結果紅葉多一點，人卻很擠迫。

不過就算人再多嵐山始終是個風景區，沒腳骨力的只會在市集逛，我們上山去公園，人就愈來愈少了。

 

 

 

 

 

 

 

 

 

 

 

 

 

 

 

 

 

 

 

 

 

怪不得小火車短短25分鐘車程也賣售興罄，原來景色真很美，還有怪獸助興呢。

 

我們沒有玩保津川激流，但在火車望下去，好似幾刺激(危險)，因水流挺急的。

番到酒店再出發去大板，到步時已經7點了，又係搵食嘅時間。我們住在難波一榮酒店，就係0101對面，極之方便，但我們行去心齋橋，還未到已經覺得迫人到喘不過氣，可能在京都習慣悠閒了。大板仲迫人過東京咁，回到大城市了!!

愛在深秋@京都- Day 3 金閣寺/哲學之道/南禪寺/八千代/清水寺/高台寺/先斗町通

今天要東西兩邊走，我們酒店係洛東，金閣寺在洛西，沒地鐵到的，不過有好多巴士到，我們這天就係咁坐巴士了。大概40分鐘就到金閣寺了。上次我和家人京都一天遊就來過金閣寺和二條城，二條城冇咩睇，但一定要係秋天來看看金壁輝煌的金閣寺，果然也是強國遊客最多的景點。

金色的建築物和紅葉真係好襯。可惜早上陰天。

我們不知應乘什麼巴士去銀閣寺，幸好日本人十分熱誠，一定幫忙的。

去到銀閣寺附近，我們沒有下車，因為已經看過很多<寺>了，而且接近午飯時間，肚在打鼓了。於是我們源哲學之道走過永觀堂再去南禪寺附近的八千代食懷石午餐。路上見到不少人力車夫，他們的鞋似隱者鞋呢，老實說我也真有點累，想上車

 

 

八千代是旅遊書介紹的，果然很多人，不過我們去到都一點半了，好多人都吃完，所以等一陣就有檯了。

二千幾三千yen就有一份很精緻的懷石午餐，包括有名的京都豆腐煲，抵啊。老公話豆腐冇咩味，我就覺得有豆味，其實佢唔like這店的服務態度就真，老實說，係日本嚟講真係唔合格!!

Anyway, 一餐晏咪一個鐘度，我們又出發去清水寺了，由於問過人話冇公共車去，我們就豪d搭的士，結果都係1000yen度，唔貴喎。

下午十分晴朗及溫暖，清水寺好多人，一路行上去條斜路都係人，好似行旺角咁，周圍好多穿和服的婦女，不過超過一半不是日本人，一係港客一係強國人一係台灣人。

 

俾完入場費入到去才見好多地方在維修，激死。

 求姻緣的地方好多人啊，由於我已找到好姻緣，只係八八掛掛睇人求，不止女的，男的都會好誠心求，希望那位阿叔如願吧

 

 

係清水寺可以一直行去高台寺和圓德院，三個地方都夜間開放。清水寺大失所望，我們決定去高台寺。黃昏的京都真美，一直走下山就到高台寺，當中經過不少interesting小店

 

 

 

 

 

 

真想不到打了燈的楓葉是這麼美

 

賞夜楓後，我們有點迷失方向，為免晚上迷路又跳上的士回河原町了。就在酒店附近有條街叫先斗町通是酒吧街，嘩，一條巷仔，果然兩旁都是酒吧，我們選了間有鱆魚燒食的，裡面卻原來是很modern的，京都就是full of surprises

 

快樂的時光過得特別快，明日下午我們就要去大板了

 

愛在深秋@京都- Day 2宇治/伏見稻荷/東福寺/祇園/近又懷石料理

這次的行程我們有預先計劃，不過我有同事比我早一星期出發去京板，根據探子回報紅葉的狀況，結果我們是每天計劃下一天的行程。另外，下面的網頁極有幫助，多謝Nick Lee的詳述

http://nicklee.tw/index.php?load=read&id=760

 

原來由京都去宇治是那麼方便快捷，坐幾個站鐵路就到。這天的天氣很好而且是weekday，沒太多遊人，感覺很清幽

 

 

我一向也喜歡綠茶，去到宇治一定要食綠茶甜品，我們發現了一間極好的café，叫<十>，原來係京都祇園也有分店。對住條河食甜品而且價錢合理，真是大滿足。

 

我們只在平等園門口拍照，因為Nick Lee話入面係冇紅葉的，所以慳番入場費。只係miss了他說要去興聖寺，其實我們都行到附近了。

 

接著我們源鐵路線停伏見稻荷，本以為是參觀月桂冠清酒製造，點知原來不在此，但卻到伏見稻荷社遊覽了，那些橙色門真壯觀，而且有腳骨力可以走到上山頂。這裡還是<無料>(不用付入場費)，真超值

 

 

 

 

 

 

 

 

 

 

 

我們見時間不早了，京都的景點很多都5點關門，要繼續去東福寺。同事已經whatsapp通知東福寺的紅葉幾靚。不過一定要俾錢進<通天橋>，園中的紅葉真係好靚，是我們京都遊第一次賞紅葉，所以特別興奮。

 

 

 

 

 

 

 

 

 

 

 

 

 

 

京都5點半就天黑的，去完幾個地方，再去祇園已差不多天黑了，不過點解咁多人企响度呢???? 原來突然有幾個妓藝走出來，大家就爭著拍照，我們沒有準備，只拍到背面，不過場面好有趣，好似做緊狗仔隊

 

 

還看見特地去京都影結婚相的香港人 

 

 

 

祇園是禁煙的，因為是值得保護的<木屋區>吧，所以京都空氣極好!!吸煙的人也比東京大板少。夜遊花見小路後，我們步行回河原町，奇怪的是已經行了一天也不覺累。我在香港book了係錦市場旁邊的近又懷石料理食晚飯，要成萬yen一位的，咁嘅價錢當然有間private room。

懷石料理咁精采，需要特別介紹啊。