奇妙的感覺

屋企附近屋村林立，地產舖頭一條街都有幾間，最近有幾間的分行不見了，取而代之係臨時租約的攤檔。樓價貴，加埋政府的辣招，有錢的不買樓，有樓的不賣樓，受到最大沖擊應係地產從業員了。不過，如果佢地懂積穀防飢，睇怕之前賺落的而家都唔成問題嘅。其中一個地攤檔係賣頭飾和飾物，質素唔差，價錢仲好抵，20-40蚊不等，我買了很多，不是自己用，留番黎聖誕節送給同事的。結賬時我沒要老闆娘減價，因為我見都真係幾平了，不過她竟然自動減了幾蚊，仲送多個夾仔俾我，笑著對我說，這個好好用的，我很喜歡的。估唔到，冇講價，人家自動減，加埋小禮物，感覺原來很好的。